Túrikmenstan Halk Maslahatynyń tóraǵasy Gýrbangýly Berdimuhamedov Qazaqstanǵa keldi. Elorda áýejaıynda túrikmen halqynyń Ulttyq kóshbasshysyn Qazaqstan Premer-mınıstri Oljas Bektenov qarsy aldy, dep habarlaıdy Egemen.kz Úkimettiń baspasóz qyzmetine silteme jasap.
Gýrbangýly Berdimuhamedov alǵash ret ótkizilip otyrǵan «ShYU plıýs» formatyndaǵy kezdesýge qatysady, ol «Kópjaqty dıalogty nyǵaıtý – ornyqty beıbitshilik pen damýǵa umtylý» uranymen ótedi. Otyrysqa baıqaýshy memleketterdiń basshylary, qurmetti qonaqtar, halyqaralyq uıymdardyń ókilderi qatysady.
Qazaqstan men Túrikmenstan arasyndaǵy dıplomatııalyq qatynastar dostyq pen strategııalyq áriptestik negizinde damyp jatyr. Tranzıttik-kólik salasynda birlesken ózara tıimdi jobalar bar, gaz salasyndaǵy yntymaqtastyqty damytý boıynsha qadamdar belgilengen.
О́tken jyldyń qorytyndysy boıynsha Qazaqstan men Túrikmenstan arasyndaǵy ózara saýda kólemi $563 mln qurady, osylaısha 2022 jylmen salystyrǵanda 28%-ǵa ulǵaıdy. Bıyl da oń úrdis saqtaldy: 4 aıda ózara saýda kólemi ósip, $167,8 mln-ǵa jetti.